لندن (نمائندہ خصوصی) لندن میں پاکستان مسلم لیگ ن کے محمد نواز شریف سے افغانستان کے سابق صدر حامد کرزئی نے ملاقات کی ہے۔ نواز شریف سے خصوصی ملاقات کیلئے حامد کرزئی ایون فیلڈ والی رہائش گاہ پہنچے، جہاں ان کا نواز شریف کے صاحبزادوں حسین نواز اور حسن نواز نے استقبال کیا۔ملاقات میںسابق وزیراعلیٰ پنجاب اور قومی اسمبلی میں اپوزیشن لیڈر شہباز شریف بھی موجود تھے۔ذرائع کے مطابق حامد کرزئی نے کہا نواز شریف میرے دوست ہیں اور ان کی تیمار داری کے لیے آیا ہوں، میرے پاکستان کے دوروں کے دوران نواز شریف نے میری بہترین میزبانی کی۔