سری نگر(کے پی آئی) جنوبی کشمیر میں دو کشمیری نوجوان پراسرار طور پرجاں بحق ہوگئے ہیں۔ ایک 19 سالہ کشمیری نوجوان  ضلع جیل کپواڑہ میں منگل کی صبح مردہ پایا گیا جبکہ اسلام آباد ضلع میں ایک نوجوان کی لاش درخت سے لٹکتی ہوئی پائی گئی۔ تفصیلات کے مطابق ایک 19 سالہ کشمیری نوجوان  خورشید احمد وانی ضلع جیل کپواڑہ میں قید تھا۔خورشید احمد وانی سیڈی پورہ سوپور کا رہنے والا ہے۔ جیل بارک میں منگل کی صبح مردہ پایا گیا ۔/اننت ناگ میں ایک  نوجوان  سجاد احمد ڈار کی لاش درخت سے لٹکتی ہوئی پائی گئی۔ جبکہ جنوبی کشمیر میں بھارتی فوجی آپریشن میں شہید دو نوجوانوں عبدالرشید ٹھوکر اور عماد مظفر کے لواحقین نے لاشوں کی واپسی کا مطالبہ کیا ہے ۔ بھارتی فوج نے جنوبی ضلع کولگام کے حسن پورہ  علاقے میں شہید عبدالرشید ٹھوکر اور عماد مظفر کو لاشیں نامعلوم مقام پر دفنا  دی ہیں اور لواحقین کو نہیں دی گئیں۔