عالمی وبا ء کورونا وائرس کے باعث انڈور ہاکی ورلڈ کپ منسوخ 

ملتان (سپورٹس ڈیسک) عالمی وبا کورونا وائرس کے باعث انڈور ہاکی ورلڈ کپ کو منسوخ کردیا گیا۔ہاکی کی عالمی تنظیم ایف آئی ایچ نے عالمی وبا کورونا وائرس کے باعث رواں سال فروری میں بیلجئم میں ہونیوالا انڈور ہاکی ورلڈ کپ منسوخ کردیا ۔ہاکی کی عالمی تنظیم کا کہنا ہے کہ بیلجئم میں عالمی وبا کی صورت حال کے باعث ایونٹ کو منسوخ کیا گیا ملتوی ہونے والا ویمنز ورلڈ کپ اب 2 اپریل سے شروع ہوگا۔بیلجئم ہاکی فیڈریشن کا ایک بیان میں کہنا تھا کہ یہ ممکن نہیں کہ دنیا بھر سے 24ٹیمیں جنوری کے آخر میں اس ایونٹ کیلئے لیج آسکیں۔دوسری جانب 11 فروری سے 13 فروری تک المیرے میں ہونیوالا یورپین کپ اب بھی شیڈول کے مطابق کھیلا جائے گا۔