کراچی (اسپورٹس ڈیسک )پی سی بی سالانہ کواڈلیٹرل سیریزکروانے پرغورکر رہا ہے اور بورڈ اس کا پلان جلد سامنے لائے گا۔آسٹریلوی میڈیا کا کہنا ہے کہ پاکستان کرکٹ بورڈ چار ملکی سیریز کروانے کے لیے تیار ہے۔آسٹریلوی میڈیا کے مطابق پی سی بی سالانہ کواڈلیٹرل سیریزکروانے پرغورکر رہا ہے اور بورڈ اس کا پلان جلد سامنے لائے گا۔آسٹریلوی میڈیا کا کہنا ہے کہ پی سی بی کا کواڈلیٹرل سیریز میں پاکستان، بھارت، انگلینڈ اور آسٹریلیا کو رکھنے کا پلان ہے اور چاروں ملکوں کے آپس میں تاریخی ٹاکرے کے باعث انہیں سیریز میں شامل کرنے پر غور کیا جارہا ہے۔آسٹریلوی میڈیا کے مطابق پاک بھارت ٹاکر ے کے بعد آسٹریلیا انگلینڈ ایشزکرکٹ کی بھی تاریخی نوعیت ہے۔آسٹریلوی میڈیا کا کہنا ہے کہ  چیئرمین پی سی بی چاہتے ہیں کہ مارچ میں دورہ پاکستان پر تمام بڑ ے آسٹریلین نام شامل ہوں۔