حارث رؤف کا وکٹ لینے کے بعد جشن منانے کا انوکھا انداز وائرل

لاہور(سپورٹس رپورٹر)قومی کرکٹ ٹیم کے فاسٹ بائولر حارث رؤف کا وکٹ لینے کے بعد جشن  مداحوں کو بھاگیا۔حارث رؤف ان دنوں آسٹریلین ٹی ٹونٹی لیگ بگ بیش میں میلبورن سٹارز کی نمائندگی کررہے ہیں۔ دورانِ میچ پرتھ سکارچرز ٹیم کے خلاف کھیلے جانے والے میچ میں حارث کا وکٹ لینے کے بعد انوکھے انداز میں جشن منانے کا انداز وائرل ہوگیا۔حارث کی وکٹ لینے کے بعد جشن کی ویڈیو میلبورن سٹارز کے ٹوئٹر پیج پر شیئر کی گئی ہے جس میں بائولر کو پیٹرسن کی وکٹ لینے کے بعد پہلے سینیٹائزر سے ہاتھ صاف کرنے جیسا انداز اپناتے اور بعد ازاں جیب سے ماسک نکال کر پہنتے دیکھا گیا۔