لاہور(سپورٹس ڈیسک) نیوزی لینڈ نے دوسرے ٹیسٹ میںبنگلہ دیش کوایک اننگز اور117 رنز سے شکست دیدی۔فالوآن کا شکاربنگلادیش کی ٹیم دوسری اننگز میں278 رنز بنا کر آؤٹ ہوگئی، مہمان ٹیم کی جانب سے لٹن داس 102 اور کپتان مومن الحق 37 رنز کیساتھ نمایاں رہے۔کائل جیمیسن نے 4 اور نیل ویگنر نے 3 کھلاڑیوں کو آؤٹ کیا جبکہ کیویز نے اپنی پہلی اننگز میں 6 کھلاڑیوں کے نقصان پر 521 رنزبنائے تھے۔بنگلہ دیش کی ٹیم پہلی اننگز میں 126 اور دوسری اننگز میں 278رنز بناکر آؤٹ ہوگئی ۔ دونوں ٹیموں کے درمیان سیریز ایک ایک کی برابری پر ختم ہوئی۔ نیوزی لینڈ کے کامیاب ترین بیٹر راس ٹیلر نے بنگلہ دیش کیخلاف اپنا آخری انٹرنیشنل میچ کھیلا، انہوں نے گزشتہ برس دسمبر میں اعلان کیا تھا کہ وہ موجودہ سیزن کے بعد انٹرنیشنل کرکٹ سے ریٹائر ہوجائیں گے۔