ہمدرد فائونڈیشن کی جانب سے مفت کمبلوں کی تقسیم اورطبی کیمپ کا انعقاد

کراچی(نیوز رپورٹر)             ہمدرد فائونڈیشن پاکستان کی صدر محترمہ سعدیہ راشد کی خصوصی ہدایت پرڈائریکٹر سید محمد ارسلان کی زیر نگرانی ماہ جنوری کے دوران سخت سردی کے موسم میں فائونڈیشن کی جانب سے ملک بھر کے ہزاروں ضرورت مند خاندانوں میں پانچ ہزار گرم کمبل تقسیم کیے گئے۔اس سال کراچی ، اندرون سندھ، لاہوراور قرب و جوار کی آبادی ،جڑواں شہر راولپنڈی /اسلام آباداور قرب و جوار کے علاقے اور پشاور کے پسماندہ علاقوں کی آبادیوں میں گرم کمبل تقسیم کیے گئے۔           کراچی اور اندرون سندھ میں پھیلی موسمی بیماریوں کا سد باب کرنے کے لیے ڈگری، اسلام کوٹ، مٹھی، ننگر پارکر، میرپور خاص اور تھرپارکر ضلع میں مفت میڈیکل کیمپ لگائے اور کمبل تقسیم کیے گئے۔ میڈیکل کیمپوں میں تجربہ کار اطبا نے مریضوں کا طبی معائنہ کیا اور ادویہ فراہم کیں۔ سندھ کے دور دراز کے علاقوں میں کمبل پہنچانے کا کارخیر ہمدرد فائونڈیشن پاکستان کراچی کی ٹیم نیبااحسن و خوبی انجام دیا ۔
ہمدرد فائونڈیشن