اسلام آباد (نمائندہ خصوصی) وفاقی وزیر برائے منصوبہ بندی ترقی اور خصوصی اقدامات پروفیسر احسن اقبال نے کیمبرج یونیورسٹی میں سینٹ جانز انوویشن سنٹر اور جج بزنس سکول کا دورہ کیا۔ دورے کے دوران، وزیر منصوبہ بندی و ترقی احسن اقبال نے منیجنگ ڈائریکٹر ڈیوڈ گل، پروفیسر سٹیلیوس کاواڈیاس، وائس ڈین برائے فیکلٹی اور ای ایم بی اے پروگرام کے ڈائریکٹر اور سینٹر فار بزنس ریسرچ کے اسسٹنٹ ڈائریکٹر مائیکل کٹسن کے ساتھ الگ الگ  ملاقاتیں کیں۔ ملاقات کے دوران وزیر منصوبہ بندی و ترقی احسن اقبال نے پاکستان کے سٹارٹ اپس، انٹرپرینیورشپ اور ٹیک اکانومی کو فروغ دینے کے لئے عالمی معیار کے ترقیاتی انوویشن سینٹر  منصوبہ سے متعلق آگاہ کیا۔