لاہور ( نیوز رپورٹر) غازی پارک بلاک 5 - C2 نزد باگڑیاں چوک یونین کونسل 236 گرین ٹائون میں ترقیاتی کاموں کی افتتاحی تقریب منعقد کی گئی ۔جس میں شائستہ پرویز ملک نے ترقیاتی منصوبوں کا افتتاح کیا ۔اس موقع پر میاں محمد سلیم  ٹکٹ ہولڈر ،شیخ طاہر حنیف، چوہدری تنویر نثار گجر ،چوہدری گلزار احمد سمیت اہل علاقہ نے خصوصی شرکت کی ۔ایم این اے شائستہ پرویز ملک نے خطاب کرتے ہوئے کہا کہ سابق سلیکٹڈ نااہل وزیراعظم نے پونے چار سال میں ملکی معیشت کا بیڑہ غرق کر دیا ۔اور ملک میں کوئی ایک بھی ترقیاتی کام نہ کروایا۔ سابق چیئرمین چوہدری تنویر نثار گجر نے یونین کونسل 236 میں کروڑوں روپے  کے ترقیاتی منصوبوں کا افتتاح کر کے سڑکیں بنانے کا کام شروع کروانے پر ایم این اے شائستہ پرویز ملک اور وزیراعظم کا شکریہ ادا کرتے ہوئے کہا کہ مسلم لیگ ن ہی ملک کی تباہ حال معیشت کو  کو دوبارہ بحال کر کے پاکستان کو ترقی کی طرف گامزن کر سکتی ہے۔