راجہ پرویز اشرف،زاہد اکرم درانی کا کامیڈین ماجد جہانگیر کے انتقال پر افسوس

اسلام آباد(نا مہ نگار) سپیکر قومی اسمبلی راجہ پرویز اشرف اور قائم مقام سپیکر زاہد اکرم درانی نے معروف سینئر اداکار وکامیڈین ماجد جہانگیر کے انتقال پر گہرے دکھ اور افسوس کا اظہار کیا ہے ۔اپنے تعزیتی پیغام میں انہوں نے ماجد جہانگیر کی پاکستان شوبز انڈسٹری کے لیے خدمات کو خراجِ تحسین پیش کرتے ہوئے کہا کہ ماجد جہانگیر سالوں سے اپنی اداکاری کے جوہر دکھا کر لوگوں کے چہروں پر مسکراہٹیں بکھیرتے رہے۔ان کا انتقال شوبز انڈسٹری کے لئے بڑا نقصان ہے ۔