لاہور(سپورٹس رپورٹر)دوسرے ون ڈے میچ میں شکست کے بعدپاکستان کے کپتان بابر اعظم نے کہا کہ ہم نے بلے سے اچھی واپسی کی۔ لیکن جب سپنرز آئے تو صورتحال تبدیل ہوگئی اور رن ریٹ بڑھتا گیا ۔ اس کا کریڈٹ انہیں دینا چاہئے۔ رضوان اور مجھے وکٹ پر ٹھہرنا چاہئے تھا اور پھر 40ویں اوور کے بعد سے ہدف حاصل کرنے کیلئے جانا چاہئے تھے۔ سلمان آغا آئے تو ہدف حاصل کرنے کیلئے آگے بڑھنے کا سوچا۔ سپنرز کو بہت زیادہ مدد مل رہی تھی۔ دوسری اننگز میں کراچی کی پچ ہمیشہ بہتر ہوتی ہے لیکن آج مختلف انداز میں کھیلا۔