شیخوپورہ(نمائندہ نوائے وقت )ڈسٹرکٹ بار ایسوسی ایشن شیخوپورہ کے ایگزیکٹو ممبر رانا عاصم جمیل ایڈووکیٹ نے کہا ہے کہ معاشرتی اصلاح اور عوامی فلاح و بہبود کیلئے جن عملی اقدامات کی ضرورت ہے ان کے فقدان کے باعث شہری مسلسل محرومیوں اور دشواریوں کا شکار ہیں جن کے تدارک کیلئے حکومت اور متعلقہ اداروں و محکموں کے حکام کو مربوط اقدامات کرنے ہونگے ۔ ملک میں غریب عوام کا کوئی پرسان حال نہیں غریب طبقہ غریب تر اور امیر طبقہ امیر تر ہوتا جارہا ہے یہ معاشرتی تفریق کسی صورت مناسب نہیں ، انہوں نے کہا کہ عوام میں پائی جانیوالی مایوسی کا خاتمہ عام آدمی کی زندگی میں آسانیاں پیدا کئے بغیر ممکن نہیں۔