شہر میں بجلی کی اعلانیہ اور غیراعلانیہ لوڈشیڈنگ کا سلسلہ جاری ہے، لاہورمیں بجلی کی بندش کا دورانیہ 4سے 5گھنٹے تک پہنچ گیا ہے۔تفصیلات کے مطابق لاہوریوں کو موسم سرما میں بھی بجلی کی لوڈشیڈنگ سے نجات نہ مل سکی، لیسکو کوبجلی کے  400 میگا واٹ شارٹ فال کا سامنا ہے، شہر میں بجلی کی بندش کا دورانیہ 4سے 5گھنٹے تک پہنچ چکا ہے، لیسکو کے گھریلو اور کمرشل صارفین کو شدید پریشانی کا سامنا ہے۔ شہریوں اور کاروباری افراد کا کہنا ہے کہ بجلی کی بندش سے معمولات زندگی اور  کاروبار شدید متاثر ہو رہے ہیں، ملک میں پہلے ہی بے روزگاری بڑھ رہی ہے، اب بجلی نہ ہونے سے کاروبار بھی بند ہونے لگے ہی۔عوام کا مزید کہنا ہے کہ  موسم سرما میں بجلی کی فراہمی کے یہ حالات ہیں تو موسم گرما میں کیا صورتحال ہو گی۔