برطانیہ کا پہلا تاریخی مشن ناکام ہو گیا۔ سیٹلائٹس لیجانے والا راکٹ ہی خلاءمیں گم ہو گیا۔ انڈیا ٹائمز کے مطابق برطانوی علاقے کورنوال کی خلائی پورٹ سے سٹارٹ می اپ خلائی مشن کو کازمک گرل نامی بوئنگ 747طیارے کے ذریعے روانہ کیا گیا۔
آئرلینڈ کے شمالی ساحلی علاقے سے طیارے نے کامیابی سے لانچر ون رکٹ کو ریلیز کیا جس میں 9سیٹلائٹس موجود تھیں۔ اس مشن کا انتظام ورجین آربٹ نامی کمپنی سنبھال رہی تھی جس کا کہنا ہے کہ راکٹ مطلوبہ بلندی تک پہنچنے میں ناکام رہا اور سیٹلائٹس سمیت خلاءمیں گم ہو گیا۔