لاہور (نوائے وقت رپورٹ) فلموں،ٹیلی وژن اور تھیٹر کے سینیئر و پرائیڈ آف پرفارمنس ایوارڈ یافتہ اداکار خالد بٹ 76برس کی عمر میں انتقال کر گئے ۔  وہ طویل عرصے سے جگر کے مرض میں مبتلا تھے۔ خالدبٹ نے اپنے کیرئیر کا آغاز1970کی دہائی میں اسسٹنٹ ڈائریکٹر کے طور پر کیا۔فلموں میں ہدایت کاری کے ساتھ وہ فلموں میں کام بھی کرتے رہے لیکن ٹی وی میں اداکاری نے انہیں شہرت کی بلندیوں پر پہنچایا۔ سینیئر اداکار کے انتقال پر شوبز شخصیات سمیت انکے مداحوں نے اظہار افسوس کرنے ہوئے ان کے لئے مغفرت کی دعائیں کی ہیں۔  انکی نماز جنازہ آج بعد از نماز عصرانکی رہائش گاہ واپڈا ٹائون میں ادا کی جائے گی۔