لاہور (سپورٹس رپورٹر)پاکستان کرکٹ بورڈ کے تحت تیس کھلاڑیوں کا سترہ روزہ اسکلز ڈیولپمنٹ کیمپ ملتان کے انضمام الحق ہائی پرفارمنس سنٹر میں 13 سے 29 جنوری تک منعقد ہوگا۔منتخب کھلاڑیوں میں حنیف محمد ٹرافی کے ٹاپ پرفارمرز شامل ہیں جو پریذیڈنٹ ٹرافی کا حصہ نہیں ہیں ان کے علاوہ لاڑکانہ ڈیرہ مراد جمالی آزاد جموں و کشمیر ایبٹ آباد بہاولپور اور حیدر آباد کے دور دراز علاقوں سے تعلق رکھنے والے کھلاڑی بھی شامل ہیں۔کھلاڑیوں میں 14 بیٹرز 4 سپنرز 9 پیسر اور تین وکٹ کیپرز شامل ہیں۔ان کھلاڑیوں کو ایک اچھی تربیت یافتہ کوچنگ سٹاف کی نگرانی میں ترقی اور مہارتوں میں وسیع اضافہ کا موقع فراہم کیا گیا ہے۔این سی اے کے ہیڈ کوچ  شاہد انور کا کہنا ہے کہ ہم حنیف محمد ٹرافی اور حنیف محمد کپ کے ٹاپ پرفارمرز کو مدنظر رکھتے ہوئے سکلز کیمپ کا انعقاد کر رہے ہیں یہ کیمپ 2023 ڈومیسٹک سیزن کے دوران کھلاڑیوں کی محنت کا اعتراف ہے۔ ہمارا مقصد ان نوجوان اور باصلاحیت کھلاڑیوں کو عمدہ پروڈکٹس میں پروان چڑھانا ہے جس سے ہماری ڈومیسٹک کرکٹ کا معیار بلند کرنے میں مدد ملے گی اور ہمیں آگے بڑھنے کیلئے معیاری آپشنز ملیں گے۔کیمپ کے کھلاڑی یہ ہیں۔بیٹرز - آفاق احمد ‘ علی احسن ‘علی عمران ‘ انیس اعظم ‘عاشر محمود ‘عون شہزاد‘ باسط علی ‘حضرت ولی ‘حسنین شامیر‘ محمد عمار ‘ محمد ابراہیم سینئر ‘محمد ولید ‘نوید ملک ‘رضوان محمود ‘ سپنرز اسد ملک ‘ عاشق علی‘ ماجد اصغر‘محمد عمیر ‘فاسٹ بولرز فیضان سلیم ‘ حارث حسن ‘محمد ندیم ‘ محمد شاہد ‘ مشتاق احمد‘ مصطفی ناصر ‘ نجیب اللہ اچکزئی‘ ثاقب خان‘ اور شایان خلیل ‘وکٹ کیپرز حسنین ماجد ‘خیام خان ‘ سیف اللہ بنگش‘سپورٹ سٹاف اکرم رضا ( ہیڈ کوچ) غلام علی (اسسٹنٹ کوچ ) شبیر احمد (فاسٹ بائولنگ کوچ)، سلیم الٰہی ( فیلڈنگ کوچ) مسعود انوار (سپن بائولنگ کوچ)، محمد طیب ( فزیو تھراپسٹ)، افتخار احمد( سٹرینتھ اینڈ کنڈیشننگ کوچ) اور محمود محی الدین ( انالسٹ )۔