پریذیڈنٹ ٹرافی: عمر اکمل، وقارحسین‘ محمد شہزاد کی سنچریاں

(سپورٹس رپورٹر)پریذیڈنٹ ٹرافی کرکٹ ٹورنامنٹ کے پانچویں راؤنڈ میں تیسرے دن کے کھیل کی خاص بات واپڈا کے عمر اکمل کی ایس این جی پی ایل اور پی ٹی وی کے وقارحسین اور محمد شہزاد کی ہائر ایجوکیشن کمیشن کیخلاف سنچریاں تھیں۔ ایس این جی پی ایل کو واپڈا کیخلاف میچ جیتنے کے لیے367 رنز کا ہدف ملا ‘ بغیر کسی نقصان کے 12 رنز بنائے تھے۔ واپڈا  نے اپنی دوسری اننگز 5 وکٹوں پر 330 رنز بناکر ڈکلیئر کردی۔ عمراکمل نے 128 رنز بنائے ۔ احمد شہزاد نے 70 ‘ ایاض تصور نے 60 رنز کی اننگز کھیلی۔سٹیٹ بینک کو کے آر ایل کیخلاف میچ جیتنے کیلئے 245 رنز کا ہدف ملا ‘ 6 وکٹوں پر 195 رنز بنالئے ۔ رمیز عزیز 73 رنز بناکر آؤٹ ہوئے۔ عرفان خان نیازی 56 رنز بناکر ناٹ آؤٹ ہیں۔کاشف علی نے 3 وکٹیں حاصل کیں۔سٹیٹ بینک کو جیت کیلئے مزید 50 رنز درکارجبکہ 4  وکٹیں باقی ہیں۔ آر ایل کی ٹیم اپنی دوسری اننگز میں 169 رنز بناکر آؤٹ ہوگئی تھی۔ ہائر ایجوکیشن کمیشن کو پی ٹی وی کیخلاف میچ جیتنے کیلئے407 رنز کا ہدف ملا ہے۔ کھیل ختم ہونے پر3وکٹوں پر 76 رنز بنالئے۔اس سے قبل ہائر ایجوکیشن کی ٹیم اپنی دوسری اننگز میں 421 رنز بناکر آؤٹ ہوگئی۔وقار حسین نے 104 رنز بنائے۔ محمد شہزاد نے 100 رنز بنائے۔ حسن محسن نے 53 رنز بنائے۔ سعدخان اور عارش علی خان نے تین تین وکٹیں حاصل کیں۔