یہ بات انہوں نے اپنے دورہ کابل میں صحافیوں سے گفتگو کرتے ہوئے کہی ۔ امریکی سینیٹر کا کہنا تھا کہ پاکستان کے قبائلی علاقوں میں موجود حقانی نیٹ ورک کی کارروائیوں کے باعث افغانستان میں قیام امن کا عمل متاثر ہو رہا ہے ۔ کارل لیون نے مطالبہ کیا کہ پاکستان شمالی وزیرستان میں بلاتاخیر آپریشن شروع کرے اور حقانی نیٹ ورک کا خاتمہ کیا جائے ۔ امریکی سینیٹر نے دہشت گردی کے خلاف جنگ میں پاکستانی سکیورٹی فورسز کی کارکردگی کو سراہا ۔ واضح رہے کہ چند روز قبل پشاور میں تعینات امریکی قونصل جنرل نے بھی شمالی وزیرستان آپریشن جلد شروع کرنے کا مطالبہ کیا تھا ۔