ڈیرہ بگٹی : امن فورس کے 3 مغوی اہلکاروں کی نعشیں برآمد، خضدار میں پروفیسر قتل

ڈیرہ بگٹی (نوائے وقت رپورٹ/این این آئی) ڈیرہ بگٹی کے علاقے سوئی میں گزی نالہ سے 3 افراد کی نعشیں ملی ہیں۔ پولیس کے مطابق تینوں افراد امن فورس کے اہلکار ہیں جن کو 6 ماہ پہلے اغوا کیا گیا تھا۔ علاوہ ازیں چاکر خان روڈ خضدار میں نامعلوم افراد کی فائرنگ سے ڈگری کالج کے پروفیسر عبدالرزاق جاں بحق جبکہ ان کے ساتھی عبدالحکیم زخمی ہو گئے۔ دریں اثناءضلع مستونگ کے علاقے دشت میں فائرنگ کرکے ایک شخص کو قتل کر دیا۔ ادھر نواحی علاقے گاہی خان چوک سے تین مسلح افراد ایک شخص کو گن پوائنٹ پر اغواءکرکے لے گئے۔