قصور (نمائندہ نوائے وقت+ نامہ نگار) نواحی گاوں موضع مان میںچھ روز قبل سلنڈر پھٹنے سے جھلس کر زخمی ہونے والی آخری بچی بھی دم توڑ گئی، یوں ہلاکتوں کی تعدا د چار ہوگئی۔ موضع مان میںعید سے ایک روز قبل رابعہ گھر میں کھانا پکا رہی تھی کہ اچانک سلنڈر دھماکے سے پھٹ گیاجس کے نتیجہ میں رابعہ ، اسکی دو بیٹیاں 8سالہ تائبہ،3سالہ بسمہ اور 7سالہ بھتیجی لائبہ جھلس گئے جنہیں علاج کیلئے لاہور میوہسپتال لیجایا گیا جہاں رابعہ دم توڑ گئی جبکہ دو روز قبل اسکی بیٹی 3سالہ بسمہ اور 7سالہ بھتیجی لائبہ بھی دم توڑ گئی تھیں جبکہ گزشتہ روز رابعہ کی 8سالہ بیٹی تائبہ بھی ہسپتال میں دم توڑ گئی ہے۔