اسلام آباد(سپورٹس رپورٹر)پاکستان اور ورلڈ الیون کے درمیان سکواش سیریز کا آغاز آج 12جولائی سے پاکستان سپورٹس کمپلیکس کے مصحف سکواش کمپلکس اسلام آباد میں ہوگاجبکہ مصر کیساتھ سکواش سیریز 15 اور 16جولائی کو ہوگی۔ آج بدھ کوپاکستان اور ورلڈ الیون کے درمیان سکواش سیریز کا پہلا میچ سہ پہر4بجے ورلڈ رینکنگ نمبر 33ہانک کانگ کے کھلاڑی لیو او اور پاکستانی کھلاڑی فرحان زمان کے درمیان جبکہ دوسرا میچ شام ساڑھے پانچ بجے ورلڈ رینکنگ نمبر 51امریکی کھلاڑی ٹاڈ ہیئرٹی اور پاکستانی کھلاڑی اسرار احمد کے درمیان کھیلا جائے گا۔کل 13جولائی کو پہلا میچ سہ پہر4بجے ورلڈ نمبر 44فرانسیسی کھلاڑی لوکس سرمے اور پاکستانی کھلاڑی احسن ایاز کے درمیان کھیلا جائیگا۔