شجاع آباد (نمائندہ نوائے وقت، خبر نگار) بلاول بھٹو کی ناکام ریلی سے پیپلز پارٹی کی مقبولیت کا بھانڈا پھوٹ گیا ن لیگ ملک کی سب سے بڑی جماعت ہے ملک کی سب سے بڑی پارٹی کے قائد کے ساتھ ناانصافی سمجھ سے بالا تر ہے پاکستانی قوم 13جولائی کو اپنے قائد کا بھر پور استقبال کریگی اور 25جولائی کو ملک کی سب سے بڑی عوامی عدالت مسلم لیگ ن کے قائد میاں نواز شریف کے حق میں فیصلہ کرے گی یہ بات امیدوار قومی اسمبلی سید جاوید علی شاہ نے بستی داد میں بڑے جلسے سے خطاب کرتے ہوئے کہی۔ انہوں نے کہا کہ ن لیگ نے ہمیشہ ملکی مفاد کو مدنظر رکھ کر کام کیا ملک وقوم کی بے لوث خدمت کی۔ اس موقع پر امیدوار صوبائی اسمبلی رانا اعجاز احمد نون سابق ایم این اے رانا شوکت حیات نون سابق ایم پی اے سید مجاہد علی شاہ نے بھی خطاب کیا۔ دریں اثناء سابق ایم این اے اور بزرگ سیاستدان رانا شوکت حیات نون اور سابق ایم پی سید مجاہد علی شاہ اور امیدوار صوبائی اسمبلی رانا اعجاز احمد نون نے ملک دیوان مشتاق کی رہائشگاہ پر کارنر میٹنگ سے خطاب کرتے ہوئے کہی انہوں نے کہا کہ ہمارا ماضی عوام کے سامنے ہے ہم نے ہمیشہ حلقہ کی تعمیر وترقی کے لیے اور حلقہ کے مفاد کو مدنظر رکھ کر سیاست کی ہے ، حلقہ کی عوام کی عوام گواہ ہے کہ ہم نے بے لوث خدمت کی۔ اس موقع پر مختلف برادریوں نے مسلم لیگ ن میں شمولیت کا اعلان کیا جس سے حلقہ میں مسلم لیگ ن کی پوزیشن مستحکم ہوگئی کارنر میٹنگ میں علی رضا ،رانا شاہ زیب نون ،طلال نون لیاقت علی قریشی سمیت علاقہ کے معززین کی کثیر تعداد موجود تھی ۔