چوک میتلا(نامہ نگار) ڈکیتی کی واردات کر کے فرار ہونے والے مبینہ ڈاکوئوں کی کار تیز رفتاری کے باعث اُلٹ گئی تین ڈاکوعوام نے موقع پر پکڑ کر چھترول کے بعد پولیس کے حوالے کردئیے ‘ پولیس تفصیل کے مطا بق چوک میتلاکے نواحی علاقہ چک نمبر122ڈبلیو بی وہاڑی روڑ پرمبینہ طور پر مسلح ڈاکوئوں اپنی کار نمبری ایل ای ای4917پر سوار ہو کر ڈکیتی کی واردات کے بعد فرار ہورہے تھے کہ تیز رفتاری اور خوف کے باعث کار بے قابو ہو کر اُلٹ گئی کار اُلٹی ہوئی دیکھ عوام موقع پر پہنچے تو کار میںلاکھوں روپے کی نقدی، جدید ترین 4عدد پسٹل ، گولیں ، موبائل فون اور ٹاور کی بیٹریاں دیکھ کر شور مچادیا جس کے باعث ایک ڈاکوئوںزخمی حالت میں ہوائی فائرنگ کرتے ہوئے فصل کافائدہ اُٹھا کر فرار ہو گیاجبکہ3ڈاکوئوں کو عوام نے پکڑکر خوب چھترول کے بعد پولیس تھا نہ ٹبہ سلطان پور کے حوالے کردیا نقدی و اسلحہ بھی پولیس نے اپنی تحویل میں لے لیا۔