سائوتھمپٹن (سپورٹس ڈیسک) انگلینڈ نے ویسٹ انڈیز کے خلاف سیریز کے پہلے ٹیسٹ میچ کے چوتھے دن اپنی دوسری اننگز میں 3وکٹوں پر 168رنز بناکر مجموعی طورپر 54رنز کی برتری حاصل کرلی ۔ انگلینڈ کی طرف سے برنز اور سبلی نے دوسری اننگز کا آغاز کیا اور پہلی وکٹ 72رنز پر گری ۔ روڑی برنز 42رنز بناکر چیز کی گیند پر کیمبل کے ہاتھوں کیچ آئوٹ ہوئے ۔ دوسری وکٹ 113کے مجموعی سکور پر گری ‘سبلی 50رنز بناکر گیبرئیل کی گیند پر وکٹ کیپر ڈائورچ کے ہاتھوں آئوٹ ہوئے۔تیسری وکٹ 151کے سکور پر گری جب ڈینلی29رنز بناکر چیز کی گیند پر آئوٹ ہوئے ۔کرالی38اور بین سٹوکس بغیر کوئی رن بنائے کھیل رہے تھے ۔ انگلینڈ کی ٹیم پہلی اننگز میں 204رنز پرآئوٹ ہوئی تھی جس کے جواب میں ویسٹ انڈیز کی ٹیم 318رنز پر آئوٹ ہو ئی تھی ۔