کشمیر الیکشن میں فتح بلاول بھٹو کے سپاہیوں کی ہو گی: اشرف بھٹی 

لاہور(نامہ نگار) پیپلز پارٹی لاہور کے سنیئر نائب صدر محمد اشرف بھٹی نے کہا ہے کہ کشمیر الیکشن میں فتح بلاول بھٹو زرداری کے سپاہیوں کی ہو گی، شدید گرمی میں بجلی کی لوڈشیڈنگ نے عوام کو تڑپا کر رکھ دیا ہے۔ ہائیڈرل پاور میں تین ہزار میگا واٹ کی کمی سے عوام پر مہنگی بجلی مسلط کی جا رہی ہے۔ بغیر سوچے سمجھے آئے روز بجلی مہنگی کر کے ، عوام کا جینا دو بھر کررہے ہیں ،لیکن پھر بھی وزیر اعظم کو اپنی کارگردگی پر فخر ہے۔