سی سی پی او کے تھانوں کے اچانک دورے ‘سنیپ چیکنگ بڑھانے کا حکم 

لاہور(نامہ نگار)سی سی پی او لاہورغلام محمود ڈوگر نے شہر کے مختلف پولیس سٹیشنز کا اچانک دورہ کیا۔سی سی پی او لاہور تھانہ نواں کوٹ،تھانہ مانگا منڈی،  تھانہ سندر اور تھانہ چوہنگ گئے۔ایس پی انوسٹی گیشن عیسیٰ سکھیرا و دیگر پولیس افسران موقع پرموجود تھے۔سی سی پی او لاہور نے ریکارڈ رجسٹرز، کوت اور مال خانے چیک کئے۔غلام محمود ڈوگر نے فرنٹ ڈیسک پر پینڈنگ درخواستوں کا ریکارڈ چیک کیا۔سی سی پی او لاہور نے چاروں تھانوں کے کرائم کی شرح کا تقابلی جائزہ لیا۔سی سی پی او لاہور نے ایس ایچ اوز کو شہر میں سنیپ چیکنگ بڑھانے کا حکم دیا۔ صدر ڈویژنز کے ہاٹ سپاٹ ایریاز میں خصوصی پٹرولنگ دستے بھی تعینات کئے جائیں۔