ہیلمٹ بازو میں لٹکانے، ٹینکی پر رکھنے پر بھی چالان کیا جائےگا:سی ٹی او

لاہور(نامہ نگار)سی ٹی او لاہور مستنصر فیروز نے گزشتہ روز شہر کی مختلف شاہراہوں کا دورہ کیا۔ سی ٹی او لاہور مستنصر فیروز نے ہیلمٹ مہم پر انفورسمنٹ کےلئے فیروز پور روز، کینال روڈ، جیل روڈ کا وزٹ کیا اور بغیر ہیلمٹ موٹرسائیکل سواروں کےخلاف مزید سخت کریک ڈاو¿ن کا حکم دیتے ہوئے کہا5 روز میں 71 ہزار 910 بغیر ہیلمٹ موٹرسائیکلسٹ کےخلاف کارروائی کرتے ہوئے 6 ہزار 518 موٹرسائیکلوں کو مختلف سیکٹرز میں بند کروایا گیاہے۔موٹر سائیکل سواروں کے ہیلمٹ لانے اور پہننے پر موٹرسائیکلیں واپس کی جارہی ہیں۔ہمارا مقصد صرف چالان کرنا نہیں بلکہ شہری کا تحفظ اولین ترجیح ہے۔ ہیلمٹ بازو میں لٹکانے، ٹینکی پر رکھنے پر بھی چالان کیا جائےگا۔شہری اپنی اور اپنے پیاروں کی حفاظت کےلئے ہیلمٹ کے استعمال کو یقینی بنائیں۔