عالمی سکریبل چیمپئن شپ‘ 6رکنی پاکستانی ٹیم کا اعلان

لاہور(سپورٹس رپورٹر)امریکہ میں ہونے والی عالمی سکریبل چیمپئن شپ میں پاکستان کے 6 کھلاڑی شریک ہوں گے۔پاکستان سکریبل فیڈریشن نے ایونٹ کیلے ٹیم کا اعلان کر دیا تاہم ویزا مسائل کی وجہ سے پاکستان کو اپنا دستہ چھوٹا کرنا پڑا۔پاکستان ٹیم کی سربراہی طارق پرویز کریں گے جبکہ دیگر کھلاڑیوں میں وسیم کھتری، عنایت اللہ، حسان ہادی خان، حماد ہادی خان اور حشام ہادی خان شامل ہیں۔ورلڈ سکریبل چیمپئن شپ 22 سے 25 جولائی تک لاس ویگاس میں ہو گی، ایونٹ میں دنیا بھر سے 300 سے زائد کھلاڑی شریک ہوں گے۔چار پاکستانی کھلاڑیوں کو امریکہ کے ویزے کیلئے انٹرویو کا وقت نہ مل سکا، دانیال ثناءاللہ، صہیب ثناءاللہ، راشد خان اور علی راشد ایونٹ میں شرکت سے محروم ہو گئے۔2023 کی چیمپئن شپ میں شرکت کیلئے کھلاڑیوں کو 2024 ءسے قبل کی انٹرویو تاریخ نہ ملی، جونیئر چیمپئنز علی سلمان اور عماد علی پڑھائی کے شیڈول کی وجہ سے ٹورنامنٹ سے دستبردار ہوئے۔