لاہور(سپورٹس رپورٹر)بھارت میں اکتوبر میں ہونے والے کرکٹ ورلڈ کپ میں پاکستان کے 2 میچز کے ٹکٹس کی قیمتیں جاری کر دی گئیں ۔ کرکٹ ایسوسی ایشن آف بنگال نے ایڈن گارڈنز میں میچز کے ٹکٹس کی قیمتیں جاری کردیں،پاکستان کرکٹ ٹیم کو کولکتہ میں ایڈن گارڈنز کے میدان پر 2 میچز کھیلنے ہیں،پاکستان کے انگلینڈ اور بنگلہ دیش کےخلاف میچ کے ٹکٹس کی کم سے کم قیمت 800 بھارتی روپے مقرر کی گئی ہے جبکہ زیادہ سے زیادہ قیمت 2200 بھارتی روپے ہے۔ایڈن گارڈنز میں سیمی فائنل میچ کے ٹکٹس کی قیمت 900 روپے ہوگی جبکہ سب سے مہنگا ٹکٹ 3 ہزار بھارتی روپے کا ہوگا۔ انٹرنیشنل کرکٹ کونسل نے ابھی تک ورلڈکپ کے ٹکٹس کی قیمتیں جاری نہیں کی ہیں۔واضح رہے کہ پاکستان کا بنگلہ دیش کےخلاف میچ 31 اکتوبر جبکہ انگلینڈ کےخلاف 12 نومبر کو میچ شیڈول ہے۔