اسلام آباد(خبرنگار)ملک کے بالائی علاقوں میں بعض مقامات پر تیز ہوائوں اورگرج چمک کے ساتھ بارش کا امکان ہے۔ محکمہ موسمیات کے مطابق آج بدھ کے روز ملک کے بیشتر علاقوں میں موسم گرم اور مرطوب رہے گا۔تاہم خطہ پوٹھوہار، شمال مشرقی پنجاب ، بالائی خیبر پختونخوا،کشمیر اورگلگت بلتستان میں تیز ہواوں اورگرج چمک کے ساتھ بارش متوقع ہے گذشتہ 24 گھنٹے کے دوران ملک کے بیشترعلاقوں میں موسم گرم اور مرطوب رہا تاہم بگروٹ05 ، کالام 04 اور گوپس میں 01ملی میٹر بارش ریکارڈ کی گئی۔ اس دوران ملک میں زیا دہ سے زیادہ درجہ حرارت نوکنڈی 46 اور روہڑی میں 44 ڈگری سینٹی گریڈریکارڈ کیا گیا۔