گوجرانوالہ (نمائندہ خصوصی )گودام میں سکریپ توڑتے ہوئے بلاسٹ ہونے سے دو بچے اور نوجوان زخمی ہوگیا۔ ریسکیو اہلکاروں نے مضروبین کو طبی امداد کیلئے ہسپتال منتقل کر دیا۔تفصیلات کے مطابق شاہین آباد میں واقع گودام میں حسب معمول سکریپ توڑا جا رہا تھا کہ اس دوران لوہے کی چیز میں زوردار دھماکہ ہو گیا جس کے نتیجے میں 25سالہ یسین ،12سالہ مدثر اور 13سالہ مبشر زخمی ہو گئے ۔ ریسکیونے مضروبین کو ہسپتال منتقل کیا جہاں پر انہیں طبی امداد فراہم کی جا رہی ہے۔