میٹرک امتحانات ، ظہور الاسلام بوائز و گرلزہائی سکولز کا اعزاز برقرار

 گوجرخان(نامہ نگار)میٹرک کے امتحانات میں معروف نجی تعلیمی اداروں ظہور الاسلام بوائز و گرلزہائی  سکولز نے اپنی30سالہ تعلیمی کامیابیوں کے ریکارڈ کوایک بار پھر بھر پور انداز میں قائم رکھااورطلبہ و طالبات نے انتہائی نمایاں نمبرز کے ساتھ کامیابی حاصل کر کے اپنے،ادارے اور والدین کا سر فخر سے بلند کر دیا، ظہور الااسلام بوائز ہائی سکول کے نتائیج کے مطابق غلام مرتضیٰ علی نے1064،محمد مجتبیٰ حسن  نے 890،احتشام واجد نے 787، ظہور الااسلام گرلزہائی سکول کی طالبات جویرہ جمیل نے 1024،ابیہ اقبال 1001اورماہ نور ارشد نے 835نمبرز حاصل کئے گوجرخان میڈیا سنٹر کے تاحیات چیئرمین منیر احمد ملہوترہ،جنرل سیکرٹری ملک امجد حسین نے شاندار تعلیمی نتائج پرسکول انتظامیہ،طلبا وطالبات ،ان کے والدین واساتذہ کرام کو مبارکباد پیش کرتے ہوئے پرنسپل پروفیسر اعجاز احمد اصلاحی کوتعلیمی خدمات پرانہیں زبردست خراج تحسین پیش کیا۔