فتح جنگ،بارشوں،طوفان سے سرکاری سکولوں کی عمارات کو شدیدنقصان

 فتح جنگ(نامہ نگار) کوٹ فتح خان کے علاقے کوٹ بالا کے گرلز  پرائمری سکول کی چار دیواری مکمل طور پر منہدم ہو گئی  اور سولر سسٹم  مکمل طور پر تباہ ہو گیا کئی درخت بھی جڑ سے اکھڑ گئے اسی علاقے کے ایک دوسرے سکول گورنمنٹ گرلز پرائمری سکول ڈھوک فدا حسین کی چار دیواری جزوی طور  پرمنہدم ہو گئی۔ تاہم رات کا وقت  ہونے کی وجہ سے کسی بھی جانی نقصان سے محفوظ رہا آج کل سکولوں میں گرمیوں کی چھٹیاں ہونے کی وجہ سے سکول بند ہیں لیکن  چھٹیوں کے بعد  بچیوں کے بہت مشکلات ہو سکتی ہیں کیونکہ چار دیواری نہ ہونے کی وجہ سے  بچیاں عدم تحفظ کا شکار ہوں گی عوامی حلقوں نے منتخب نمائندوں اور ڈپٹی کمشنر اٹک سے نوٹس لینے اور فوری چاردیواری کی تعمیر کا مطالبہ کیا ہے۔