اسلام آباد (وقائع نگار خصوصی)قومی اسمبلی مےں قائد حزب اختلاف سید خورشید شاہ نے کہا ہے کہ پےپلز پارٹی کی قےادت نے پبلک اکاﺅنٹس کمیٹی کیلئے ڈاکٹر عذرا افضل پیچوہو کو نامزد کر دےا ہے۔ انہوں نے ےہ بات منگل کو پارلیمنٹ ہاﺅس میں صحافیوں سے بات چےت کرتے ہوئے کہی۔ انہوں نے قومی اقتصادی کونسل میں دیگر صوبوں کی برائے نام نمائندگی پر تشویش کا اظہار کےا اور کہا کہ وہ اس معاملہ کو پارلیمنٹ میں اٹھائیں گے‘ انہوں نے کہا کہ بجٹ آنے کے بعد اپوزےشن حکمت عملی تےار کرے گی ہم ایشوز پر بات کرینگے‘ سید خورشید شاہ نے کہا کہ قومی اقتصادی کونسل میں خیبرپختونخوا اور بلوچستان کو نظر انداز کرنے اور سندھ کی نہ ہونے کے برابر نمائندگی پر گہری تشویش ہے، ہم روایتی اور نہ ہی فرینڈلی اپوزیشن ہونگے بلکہ ایشوز پر اپنا کردار ادا کریں گے حکومت کے ملکی مفاد میں کئے گئے فیصلوں کی تائید اور ملک و قوم کے مفاد کے خلاف فیصلوں کے سامنے دیوار بن جائینگے۔ اپوزےشن ارکان قومی اسمبلی کے اجلاسوں میں بھر پور شرکت کریں گے۔