ڈانس کا جنون، معیاری کام کو ترجیح دیتی ہوں : لائیکا خان

لاہور(کلچرل رپورٹر) معروف ماڈل و اداکارہ لائیکا خان نے کہا ہے میں ہمیشہ معیاری کام کو ترجیح دیتی ہوں۔ماڈلنگ اور ڈانس کا جنون کی حد تک شوق ہے۔ شائقین کی جانب سے میری پرفارمنس کو بے حد سراہا جا رہا ہے جس پر میں اپنے چاہنے والوں کی بہت ممنون ہوں۔ لائیکا خان نے کہا کہ بھارتی ڈراموں کے مقابلے میں پاکستانی ٹی وی اور سٹیج ڈرامے آج بھی دنیا بھر میں اپنی الگ پہچان رکھتے ہیں۔ شوبز انڈسٹری میں نئے چہرے آنے سے انڈسٹری کی رونقیں دوبارہ بحال ہوئی ہیں۔ میری اس وقت تمام توجہ سٹیج ڈراموں اور ماڈلنگ کی طرف ہے ابھی فلموں میں کام کرنے کا کوئی ارادہ نہیں ہے۔