بے نظیر انٹرنیشنل ایئرپورٹ پر ایف آئی اے کی کارروائی، جعلی دستاویزات پر کابل جانے والے 4 افراد گرفتار

اسلام آباد (آئی این پی) بے نظیر انٹرنیشنل ایئرپورٹ پر ایف آئی اے امیگریشن نے کارروائی کرتے ہوئے جعلی دستاویزات پر کابل جانے والے 4 افراد کو گرفتار کرلیا۔ہفتہ کو بے نظیر ایئرپورٹ پر ایف آئی اے امیگریشن نے کارروائی کرتے ہوئے جعلی دستاویزات پر کابل جانے والے 4 افراد کو گرفتار کرلیا، گرفتار افراد میں مصطفی حبیب، دانش، مقصود اور نجیب شہزاد شامل ہیں، گرفتار افراد کو ایف آئی اے کی انسداد انسانی سمگلنگ سیل میں منتقل کر دیا گیا ہے۔