فیروزوالہ:متعددعلاقوں میں گندگی کے ڈھیر،شہری سراپا احتجاج

فیروزوالہ (نامہ نگار) عید الفطر کے ایام گزر جانے کے بعد بھی جی ٹی روڈ کی آبادی رچناٹائون ،امامیہ کالونی ،پیپلزکالونی فیروزوالہ ،اوردیگرعلاقوں میں پڑے گندگی کے انبار اٹھانے کا آغاز نہ ہوسکا جس پر شہری سراپا احتجاج بن گئے ہیں اور انہوں نے کمشنرلاہورڈویژن سے مطالبہ کیا ہے کہ وہ اربن ایریااورملحقہ علاقوں کے چوک و چوراہوں اور بازاروں میں پڑے گندگی کے انبار اٹھانے کیلئے ہدایات جاری کریں۔ ذرائع کے مطابق عید الفطر کے ایام میں شہر بھر کے عملہ صفائی محلوں اورگلیوں میں یکسر غائب پایا گیا۔