فیکٹری ایریا میں سلنڈرپھٹنے سے دھماکہ ‘ ایک شخص زخمی

لاہور(نامہ نگار)فیکٹری ایریا کے علاقہ میں گیس سلنڈروں کی دکان میں ایک سلنڈر زوردار دھماکے سے پھٹ گیا اور آگ لگ گئی۔جس سے ایک شخص جھلس کر شدید زخمی ہو گیاہے۔تفصیلات کے مطابق فیکٹری ایریا کے علاقے چونگی امرسدھو میں سلنڈر وں کی دکان میں ری فیلنگ کے دوران ایک سلنڈر زوردار دھماکے سے پھٹنے سے آگ لگ گئی۔جس کے نتیجے میں 46 سالہ سرورجھلس کر شدید زخمی ہو گیا۔علاوہ ازیں موچی گیٹ کے علاقہ گجر گلی میں کھلونوں کی دکان میں شارٹ سرکٹ کے باعث آگ بھڑک اٹھی۔