گوجرانوالہ (نمائندہ خصوصی)ڈسٹرکٹ پاپولیشن ویلفیئر آفس گوجرانوالہ کے زیراہتمام شیرانوالہ باغ میں دیسی کشتیوں کا انعقاد کیاگیا ۔ چالیس چھوٹے بڑے مقابلے ہوئے۔ بڑا جوڑ ایوب پہلوان اور عبدالرحمان پہلوان کے درمیان ہوا جو عبدالرحمان پہلوان نے جیت لیا۔ مہمان خصوصی ڈسٹرکٹ پاپولیشن ویلفیئر آفیسر عدنان اشرف اور پیپلز پارٹی کے سٹی سیکرٹری اطلاعات محمد صغیر بٹ تھے۔ تقریب میں جیتنے والے پہلوانوں کے درمیان ٹرافیاں اور نقد انعامات تقسیم کئے گئے۔