جیوانی میں پاک فوج کا فری آئی کیمپ، ادویات اور عینکیں تقسیم

گوادر ( این این آئی ) پاک فوج اور الشفاء  آئی ٹرسٹ اسلام آباد کے اشتراک سے گوادر کے نواحی علاقے جیوانی کے رورل ہیلتھ سینٹر میں مفت آئی میڈیکل کیمپ  لگایا گیا۔ ڈاکٹروں اور پیرا میڈیکل  سٹاف نے مریضوں کو مفت مشاورت،ادویات اور عینکیں بھی فراہم کیں۔ میڈیکل کیمپ سے مریضوں کی بڑی تعداد نے استفادہ  کیا جس میں خواتین اور بچے بھی شامل تھے۔پاک فوج بلوچستان کے پسماندہ علاقوں میں صحت کی سہولیات کو عوام کی دہلیز پر پہنچانے کے لیے ہمہ وقت کوشاں ہے۔