حور فواد نے ورلڈ یوتھ ٹیبل ٹینس کنٹینڈرز میں کانسی کا تمغہ جیت لیا

لاہور(سپورٹس رپورٹر)پاکستان کی 13 سالہ حور فواد نے ایک اور کارنامہ انجام دیتے ہوئے سویڈن کے شہر ہیلنگ بورگ میں منعقدہ ورلڈ یوتھ ٹیبل ٹینس کنٹینڈرز میں کانسی کا تمغہ جیت لیا۔ قومی ویمن نمبر2 کھلاڑی حور فواد نے تیونس سے تعلق رکھنے والے ساتھی وسیم ایساد کیساتھ انڈر15 مکسڈ ڈبلز ایونٹ کے سیمی فائنل میں رسائی حاصل کی تاہم کوارٹر فائنل میں پولش کھلاڑیوں کو مات دینیوالی یہ جوڑی پولینڈ ہی تعلق رکھنے والے پلئیرز سے 3-1سے مات کھا گئی۔