فیروز والہ : ڈکیتی ‘چوری کی متعدد وارداتیں ‘مزاحمت پر 2افراد زخمی 

فیروزوالہ( نامہ نگار) سٹریٹ کرائم کی وارداتیں شہریوں کےلئے بال جان بن گئی جگہ جگہ ڈکیتی ، راہزنی اور چوری کی وارداتیں شہری لٹ گئے ڈاکووں کی لوٹ مار ڈاکو لاکھوں روپے مالیت کے طلائی زیورات نقدی گاڑیاں اور دیگر قیمتی سامان لوٹ کر لے گئے ۔ڈاکوو¿ں نے مزاحمت پر فائرنگ کر کے دو افراد کو شدید زخمی کر دیا اور فرار ہوگئے۔ منڈیالی کے قریب ڈاکوو¿ں نے ڈکیتی کی واردات کے دوران مزاحمت پر گولی مار کر موٹر سائیکل سوار نوجوان ارشد کو شدید زخمی کر دیا ۔ڈاکو لوٹ مار کرنے کے بعد فرار ہوگئے ۔کوٹ عبدالمالک کے قریب ڈاکو غلام مرتضیٰ سے ایک لاکھ روپے کی رقم چھین کر لے گئے۔ ڈاکو گن پوائنٹ پر نجی کمپنی کے سیلز مین عبدالرحمن سے دو لاکھ روپے چھین کر لے گئے۔ ڈاکوو¿ں نے مزاحمت پراسے گولی مار کر زخمی کردیا۔ ڈاکوشہباز احمد سے ایک لاکھ 75 ہزار روپے کی رقم چھین کر لے گئے۔ چوروں نے اسلم کے گھرسے لاکھوں روپے مالیت کے زیورات نقدی اور دیگر قیمتی سامان چوری لئے۔ چوروں نے واپڈا کی مین بجلی کی تاریں کاٹ کر چوری کرلی جن کی مالیت لاکھوں روپے بتائی گئی ہے۔تاروں کے چوری ہونے سے متعدد علاقے تاریکی میں ڈوب گئے ۔شہریوں نے واقعہ پر شدید احتجاج کیا۔ مریدکے میں ڈاکو تاجر مقبول حسین سے سات لاکھ روپے چھین کر لے گئے۔ نامعلوم افراد نے مختلف علاقوں سے 8 موٹر سائیکلیں چوری کرلی۔