بلوچ دہشت گرد ہتھیار ڈال دیں‘ قومی دھارے میں آئیں‘ فلک شیر مری

 کوئٹہ (آئی ا ین پی ) کالعدم بلوچ لبریشن آرمی کا حصہ رہنے والے قومی دھارے میں شامل ہونے پر خوش ہیں اور انہوں نے بلوچ دہشت گرد تنظیموں سے بھی ہتھیار ڈالنے کی اپیل کی ہے۔ کالعدم بی ایل اے چھوڑنے والے فلک شیر مری کا کہنا ہے بلوچ لبریشن آرمی میں 2001 میں شامل ہوا تھا اور 2015 میں ہتھیار ڈال کر قومی دھارے میں شامل ہو گیا تھا۔ فلک شیر مری کا کہنا ہے سکیورٹی اداروں نے میری بہت مدد کی، میرا بھائی رہا ہوا اور نوکری بھی بحال ہوگئی، میرے بعد اور ساتھی بھی ہتھیار جمع کرا کر قومی دھارے میں شامل ہوئے۔ فلک شیر مری نے کہا اب ہم اپنے بیوی بچوں کے ساتھ اچھی زندگی گزار رہے ہیں، بلوچ دہشت گرد تنظیموں میں شامل لوگوں سے اپیل ہے ہتھیار ڈال کر قومی دھارے میں شامل ہوں۔ کالعدم بی ایل اے چھوڑنے والے جاوید مری کا کہنا ہے کوہلو کا رہائشی ہوں اور 2009 تا 2015 بی ایل اے کا حصہ رہا، میں 2015 میں ہتھیار ڈال کر قومی دھارے میں شامل ہوا، اب اپنا کاروبار کر رہا ہوں اور نرمی برتنے پر حکومت کا شکر گزار ہوں۔ جاوید مری نے یہ بھی کہا اب میری زندگی سکون سے گزر رہی ہے اور میرے بچے بھی تعلیم حاصل کر رہے ہیں، باقی لوگ بھی دہشت گردی کا راستہ ترک کر کے ہتھیار جمع کرا دیں۔
فلک شیر مری