بھارت: 6 گھنٹوں میں 2 ہزار 143 جوڑوں کی شادی کا عالمی ریکارڈ

راجستھان (نیٹ نیوز) بھارت میں 6 گھنٹوں کے اندر 2 ہزار 143 جوڑوں کی شادی کے ذریعے عالمی ریکارڈ قائم کر دیے گئے۔ بین الاقوامی ذرائع ابلاغ کے مطابق بھارت کے شری ماہاویر گوشالا کلیان سنستھان نامی ایک رجسٹرڈ ٹرسٹ نے اجتماعی شادیوں کا اہتمام کیا۔ اس تقریب میں ہندو اور مسلمان دونوں مذاہب کے افراد کی شادیاں کرائی گئیں۔ یہ تقریب 6 گھنٹے سے کم وقت تک جاری رہی۔ اجتماعی شادی کی تقریب میں راجستھان کے اشوک گیہلوٹ اور کابینہ کے وزیر پرامود جین بھایا نے شرکت کی۔ ٹرسٹ کی جانب سے ہر جوڑے کو زیورات، ٹی وی، فریج سمیت دیگر تحائف دیے گئے۔
شادی عالمی ریکارڈ