رباط (نیٹ نیوز) مراکش کی 4 بہنوں کی خوشی کا اس وقت کوئی ٹھکانہ نہ رہا جب حج قرعہ اندازی میں چاروں کا نام ایک ساتھ نکل آیا۔ عرب میڈیا کے مطابق مراکش میں 60 سے زائد عمر والی چار بہنوں عائشہ‘ فاطمہ‘ حلیمہ اور خدیجہ ایک ساتھ حج پر جانا چاہتی تھیں‘ لیکن ہر سال کسی ایک کا نام قرعہ اندازی میں نکل آیا تو کوئی ایک محروم رہ جاتی‘ تاہم اس سال برسوں کا انتظار اپنے انجام کو پہنچا اور چار بہنوں کو بالآخر بلاوا آگیا۔ اس بار ان بہنوں نے یہ ترکیب لڑائی کہ قرعہ اندازی کیلئے لفافے میں چاروں نے اپنے اپنے نام کی پرچی ڈال دی۔ اتفاق سے یہ لفافہ قرعہ اندازی میں نکل آیا۔
4 بہنیں، حج