ٹینس عالمی رینکنگ‘نوواک کی تنزلی ‘ جینک سنر نے پہلی پوزیشن حاصل کر لی 

لاہور(سپورٹس رپورٹر)انٹرنیشنل ٹینس فیڈریشن کی عالمی رینکنگ میںمینز سنگلز مقابلوں میں اٹلی کے جینک سنر نے پہلی پوزیشن حاصل کرلی  کارلوس الکاراز کی ایک درجہ ترقی ہوئی اور وہ دوسرے نمبر پر پہنچ گئے ہیں۔ سربین نوواک جوکووچ کی دودرجہ تنزلی ہوئی ہے اور وہ پہلی پوزیشن سے تیسرے نمبر پر چلے گئے ہیں۔ ویمنز سنگلز میں فرنچ اوپن چیمپئن پولینڈ کی آئیگا سویاٹیک بدستور پہلے نمبر پر براجمان ہیں۔ امریکی کوکوگف تیسرے سے دوسرے، بیلاروس کی آریانا سابالینکا دوسرے سے تیسرے نمبر پر چلی گئی ہیں۔ اٹلی کی جیسمین پالینی کی 6درجے ترقی ہوئی ہے۔جرمنی کے الیگزینڈر زویروف چوتھے ، روسی ڈینیئل مدویدیف پانچویں،روسی آندرے روبلوف چھٹے،ناروے کے کیسپر رڈ ساتویں اور ڈنمارک کے ہیوبارٹ ہرکاز بدستور آٹھویں نمبر پر ہیں۔ آسٹریلیا کے ایلکس ڈی مینور دو درجے ترقی پاکر گیارہویں سے نویں نمبر پر پہنچ گئے۔