نجی کمپنی کے سکیورٹی گارڈنے مالک کو فائرنگ کرکے قتل کردیا

لاہور(نامہ نگار )غالب مارکیٹ کے علاقے میں سکیورٹی گارڈ نے اپنی ہی نجی سکیورٹی کمپنی کے مالک کو فائرنگ کر کے قتل کر دیا ہے۔پولیس کے مطابق نجی سکیورٹی کمپنی کا مالک غلام رسول گاڑی میں اپنے دفتر کی پارکنگ میں پہنچا، وہ کار کی ڈِگی سے سامان نکال رہا تھا کہ سکیورٹی گارڈ مدنی جلیل نے اس پر فائرنگ کر دی۔واقعہ کی سی سی ٹی وی فوٹیج میں دیکھا جا سکتا ہے کہ ملزم مقتول کے قریب آ کر اس کے سر میں بھی گولی مار دیتا ہے۔واقعہ کے بعد ماکیٹ کے لوگ جمع ہو گئے، جنہوں نے ملزم کو پکڑ کر پولیس کے حوالے کر دیا۔پولیس کے مطابق ملزم نے ابتدائی بیان میں بتایا ہے کہ مالک ملازمین پر سختی کرتا تھا، اس لیے اسے قتل کیا۔پولیس نے نعش پوسٹ مارٹم کیلئے مردہ خانے منتقل کر کے مقدمہ درج کر لیا اور واقعہ کی تفتیش شروع کر دی ہے۔