نارنگ منڈی: کالاخطائی روڈ کی تعمیرومرمت سست روی کا شکار 

نارنگ منڈی(نمائندہ نوائے وقت)کالاخطائی روڈ کی تعمیرومرمت سست روی کا شکار مٹی دھول اورڈسٹ سے شہری بیماریوں کاشکار ہونے لگے راہگیروں کو مشکلات کاسامناہے بتایاگیاہے شاہدرہ سے نارنگ کالاخطائی روڈ تعمیراتی کام انتہائی سست روی کا شکار ہے کئی ماہ سے پڑی مٹی اور ریت سے راہگیروں شدید مشکلات کا سامنا کرنا پڑ رہا ہے  ۔موٹرسائیکل اور رکشے میں سوار مسافروں سمیت پیدل چلنے والے راہگیروں کو بھی دشواری کاسامناکرنا پڑرہا ہے۔ انہوں نے وفاقی وزیر صنعت و پیداوار رانا تنویر حسین‘ رکن قومی اسمبلی رانااحمد عتیق انور اور رکن صوبائی اسمبلی چوہدری حسان ریاض سے اپیل کی ہے کہ کالاخطائی روڈ کی تعمیرومرمت کو جلد پایاتکمیل تک پہنچایاجائے۔