شیخوپورہ(نامہ نگارخصوصی)پیپلز پارٹی کے رہنمائوں چودھری عبدالخالق ورک، چودھری منیر قمر واہگہ ، سید ندیم عباس کاظمی، طاہر سعید بھون، میاں لیاقت علی، کاشف گیلانی نے کہا ہے کہ پیپلز پارٹی اور اسکی قیادت ملک کو بحرانوں سے نکالنے کی صلاحیت رکھتی ہے پی پی پی اور اس کی قیادت نے ہمیشہ اپنے کارکنوں کو عزت اور احترام دیا ہے، ہمیں اپنے محدود وسائل کے ساتھ عوام کی خدمت کیلئے دن رات محنت کرنا ہو گی ان خیالات کا اظہار انہوں نے سروے کے دوران کیا ان رہنمائوں نے کہا کہ عوام نفرت کی سیاست سے مایوس ہیں،حکومت کو بھی بانی پی ٹی آئی سے دھیان ہٹا کر عوامی مسائل پر توجہ دینی چاہیے، پاکستان کے عوام چاہتے ہیں کہ مسائل کا حل نکلے، ہمیں اپنے محدود وسائل پر اس بات پر توجہ دینا پڑے گی کہ ہم محدود وسائل کے ساتھ اپنی خدمات کیسے بہتر کرسکتے ہیں۔