37ویں پبلک سیکٹر مینجمنٹ گورننس کورس کے شرکا ء کا دورہ آر ڈی اے

راولپنڈی(اپنے سٹاف رپورٹر سے)گریڈ BPS-17 سے BPS-18 میں افسران کی ترقی کے لیے 37 ویں پبلک سیکٹر مینجمنٹ گورننس کورس کے شرکا ء نے منگل کو راولپنڈی ڈیویلپمنٹ اتھارٹی کا دورہ کیا ڈائریکٹر جنرل آر ڈی اے کنزہ مرتضیٰ نے ایڈیشنل ڈی جی اویس منظور تارڑ کے ہمراہ کورس افسران کو راولپنڈی ڈویلپمنٹ اتھارٹی کے انتظامی امور پر بریفنگ دی۔ اس بریفنگ کا مقصد افسران کو ایسی بصیرت سے آراستہ کرنا تھا جو ان کی پیشہ ورانہ ترقی میں فائدہ مند ثابت ہوں گی اس موقع پر ایڈیشنل ڈی جی آر ڈی اے نے آر ڈی اے کے آغاز اور جاری منصوبوں کا جائزہ فراہم کیا، جن میں رنگ روڈ پروجیکٹ، نالہ لئی ایکسپریس وے پراجیکٹ، اور بزنس فیسیلیٹیشن سینٹر، اسٹیٹ مینجمنٹ انفارمیشن سسٹم، راولپنڈی کے ریجنل ڈویلپمنٹ پلان، ای فائلنگ اور آفس آٹومیشن سسٹم (ای ایف او اے ایس) اور اس طرح کے اقدامات شامل ہیں۔ ڈی جی آر ڈی اے کنزہ مرتضی نے سرکاری افسران کے لیے اس طرح کے کورسز کی اہمیت پر زور دیا۔ انہوں نے عوامی خدمات کی فراہمی کو بڑھانے کے لیے دیگر انتظامی محکموں کے افسران کی شرکت کی وکالت کی سیشن کے اختتام پر ڈی جی آر ڈی اے کنزہ مرتضی نے تمام شرکا کا شکریہ ادا کیا اور ان پر زور دیا کہ وہ ملک کی ترقی کے لیے تندہی اور ایمانداری سے کام کریں اور عوام کی شکایات کا ازالہ کریں۔